Anthony Lee Morgan
Duel/Gornest
Gorffennaf 16 - Awst 6
Mae Anthony’n un o’r artistiaid ifanc lleol y mae Oriel Dafydd Hardy wedi ei ddilyn o’r Chweched Dosbarth, trwy’r Cwrs Sylfaen i’w Raddio o Brifysgol Leeds.
Gwnaeth Anthony argraff ddofn yn nyddiau cynnar Oriel Dafydd Hardy trwy gynnal sioe unigol pan oedd ddim ond yn 17 oed ac yn ddisgybl yn Ysgol Syr Hugh Owen. Roedd “Oddi Wrth Y Wal” / “Off The Wall” yn fewnosodiad golau a sain. Roedd seler yr oriel yn hollol dywyll a rhoddwyd torchau i ymwelwyr wrth iddynt gamu i ganol sain isffordd Efrog Newydd gyda graffiti ym mhobman.Ymddangosodd hefyd ar raglen S4C, Uned 5.
Wedi hyn, ag yntau’n mynychu’r cwrs sylfaen Celf yng Ngholeg Menai, ymunodd Anthony â thri chyn-ddisgybl arall o Ysgol Syr Hugh Owen i gyflwyno “Wylit Waed” – arddangosfa’n archwilio cynddaredd pobl ifanc Cymraeg heddiw gyda chynddaredd cenhedlaeth Gerallt Lloyd Owen yn y 1960au. Unwaith eto, cafodd yr arddangosfa sylw’r cyfryngau cenedlaethol.
Nawr mae’n dychwelyd, ag yntau wedi cyflawni ei radd mewn Celf Gain ym Mhrifysgol Leeds. Wrth graidd “Gornest” sef arddangosfa Anthony, sy’n 22 oed, mae dau ffigwr dur o lawn faint . . . yn sefyll yn gefn wrth gefn.
Meddai Anthony: “Rydym i gyd yn syrthio i fagl ‘gornest’ bob dydd . . . pa un ai a ydym yn cael gornest gyda ffrind, neu deulu, y byd neu yn fwy aml, ein hunain. Nawr eich bod yn gwybod, beth am eich holi eich hun, pam?”
O ganlyniad i ddylanwad Peter Prendergast ar strwythur cwrs Sylfaen Coleg Menai, a’i gred gref mewn darlunio fel y modd o gael dealltwriaeth o bwnc, nid yw’n syndod for Anthony’n dibynnu’n fawr ar Giacometti am ei ysbrydoliaeth.
“Mae fy mhortffolio’n cynnwys prosiectau 3D ar raddfa eang a nawr mae lle i’w storio’n broblem…rwy’n credu y bydd rhaid iddynt fynd i’r ardd yn nhŷ fy rhieni ym Maesincla am y tro!”
“Mi fyddwn i wrth fy modd yn creu cyfres o gerfluniau cyhoeddus yng Nghaernarfon…byddwn yn fodlon gwneud y gwaith am ddim neu am ffi fechan, cyn belled â bod y deunyddiau’n cael eu darparu… byddai’n gymaint o fraint i mi. Rwyf am geisio cyfrannu at wneud Caernarfon yn ganolfan ar gyfer y celfyddydau, symbol cenedlaethol o ddiwylliant Cymru. Hoffwn roi ychydig
o liw i’r dref…rhywbeth i ddenu’r twristiaid yn ôl dro ar ôl tro. Dychmygwch gyfres o ddreigiau cochion Cymru o gwmpas Caernarfon…un yn clwydo ar ben Twthill…dychmygwch yr effaith gai hyn ar y diwydiant twristiaeth!”
Gellir cysylltu ag Anthony ar 07779 946 158
english
cymraeg
